Портал ПМД74 выражает свои соболезнования петербуржцам

Татьяна Теточко

 

Портал ПМД74 выражает соболезнование жителям г. Санкт-Петербурга. Напомним, сегодня, 3 апреля, в питерском метро было совершено два взрыва, в результате которых около десяти человек погибло, и несколько десятков людей получили ранения. С 4 апреля в городе объявлен трехдневный траур. Редакция и читатели портала молитвенно поддерживают петербуржцев.

velas_e_cristo_na_cruz

Молитва за усопших внезапною (скоропостижною) смертию

Неисповедимы судьбы Твои, Господи! Неизследимы пути Твои! Даяй дыхание всякой твари и вся от не сущих в бытие приведый, Ты овому посылаеши Ангела смерти в День, егоже не весть, и в час, егоже не чает; оваго же исхищаеши из руки смерти, даруеши живот при последнем издыхании; овому долготерпиши и даеши время на покаяние; оваго же, яко злак, сечеши мечем смерти во едином часе, во мгновении ока; оваго поражаеши громом и молниею, оваго сожигаеши пламенем, оваго же предаеши в снедь зверем дубравниим; овых повелеваеши поглотити волнам и безднам морским и пропастям земным; овых похищаеши язвою губительною, идеже смерть яко жнец пожинает и разлучает отца или матерь от чад их, брата от брата, супруга от супруги, младенца отторгает от лона матерняго, бездыханными повергает сильных земли, богатых и убогих. Что убо сие есть? Дивное и недоумеваемое нами смотрение Твое, Боже! Но Господи, Господи! Ты токмо Един, ведый вся, веси, чесо ради бывает сия и чесо ради быть, яко рабы Твоя во едино мгновение ока пожерты бысть зиянием смерти. Аще наказуеши за многая, тяжкия прегрешения я, молим Тя, Многомилостиве и Всемилостиве Господи, да не яростию Твоею обличиши рабов Твоих и накажеши вконец, но, по благости Твоей и по безприкладному Твоему милосердию, яви оабам Твоим велию милость Твою в прощении и оставлении грехов. Аще ли же усопшие рабы Твоя, в житии сем помышляя День Судный, позна свое окаянство и возжела принести Тебе плоды достойные покаяния, но не достиже сего, зане позваны бысть Тобою в день, егоже не веда, и в час, егоже не жда, того убо ради паче молим Тя, Преблагий и Премилосердый Господи, несоделанное покаяние, еже видесте очи Твои, и неоконченное дело спасения рабов Твоих исправи, устрой, соверши Твоею неизреченною благостию и человеколюбием; едину бо надежду имамы на Твое безконечное милосердие: у Тебе бо суд и наказание, у Тебе правда и неистощимая милость; Ты наказуеши, вкупе же и милуеши; биеши, вкупе же и приемлеши; прилежно молим Тя, Господи Боже наш, не накажи внезапу позванных к Тебе Страшным Судом Твоим, но пощади, пощади рабов Твоих и не отрини от лица Твоего. О, страшно внезапу впасти в руце Твои, Господи, и предстати на суд Твой нелицеприятный! Страшно отъити к Тебе без благодатнаго напутствия, без Покаяния и причащения Святых Твоих страшных и животворящих Тайн, Господи! Аще внезапу усопшие приснопоминаемые нами рабы Твоя толико многогрешны, толико повинны есть осуждению на Твоем праведном суде, молим Тя, умилосердися над ними, не осуди их на вечное мучение, на вечную смерть; потерпи нам еще, даждь нам долготу дний наших, еже молитися Ти по вся дни о усопших рабах Твоих, дондеже услышиши нас и приимеши милостию Твоею внезапу отшедших к Тебе; и даждь нам, Владыко, омыти грехи их слезами сокрушения и воздыханиями нашими пред Тобою, да не низведенны будет по грехом своим на место мучения рабы Твоя, но да вселятся в место упокоения. Ты Сам, Господи, повелеваеши ударяти в двери милосердия Твоего, молим Тя убо, Прещедрый Царю, и не престанем умоляти Твое милосердие и взывати с кающимся Давидом: помилуй, помилуй рабов Твоих, Боже, по велицей Твоей милости. Аще же недовольно Ти словес наших, сего малаго моления нашего, умоляем Тя, Господи, верою в спасительныя заслуги Твои, упованием на искупительную и чудодейственную силу Твоея жертвы, принесенныя Тобою за грехи всего мира; молим Тя, о Сладчайший Иисусе! Ты еси Агнец Божий, вземляй грехи мира, распныйся ради нашего спасения! Молим Тя, яко Спасителя и Искупителя нашего, спаси и помилуй и вечныя муки избави душу приснопоминаемых нами внезапу усопших рабов Твоих, не остави их погибнути во веки, но сподоби достигнути тихаго пристанища Твоего и упокой тамо, идеже вси святии Твои упокоеваются. Вкупе же молим Тя, Господи Иисусе Христе Боже наш, приими милостию Твоею и всех внезапу преставльшихся к Тебе рабов Твоих, ихже вода покры, трус объят, убийцы убиша, огнь попали, град, снег, мраз, голоть и дух бурен умертвиша, гром и молния попали, губительная язва порази, или иною коею виною умреша, по Твоему изволению и попущению, молим Тя, приими их под Твое благоутробие и воскреси их в жизнь вечную, святую и блаженную. Аминь.

Здесь можно скачать чин заупокойной литии, совершаемой мирянином дома.

Татьяна Колодяжная

Добавьте свой комментарий

Просьба соблюдать правила уважительного тона. Ссылки на другие источники, копипасты (большие скопированные тексты), провокационные, оскорбительные и анонимные комментарии могут быть удалены.